Gjatë këtij viti për herë të parë do të vendosen 70 kamera kurth, të cilat do të kenë në fokus jetën e egër në Prespë dhe në Shebenik, një dhuratë e vyer nga Parku Kombëtar “Pylli Bavarez”. Këto kamera do të vendosen në kuadër të bashkëpunimit në rritje ndërmjet Parkut Kombëtar të Prespës dhe Parkut Kombëtar “Pylli Bavarez”, Gjermani. Rezultatet dhe fotot e monitorimit do të ofrojnë një tablo të qartë të biodiversitetit në Parkun Kombëtar të Prespës. Agjencia Kombëtare e Zonave të Mbrojtura njoftoi sot se këtë javë Shqipërinë po e viziton Dr. Christian Fiderer, monitorues i jetës së egër në Parkun Kombëtar, ‘’Pylli Bavarez’. Gjatë ditëve të qëndrimit në Shqipëri Dr. Fiderer do të vizitojë Parkun Kombëtar të Prespës si dhe Parkun Kombëtar të Shebenikut. Bashkëpunimi mes parqeve kombëtare në Shqipëri dhe Gjermani është mbështetur që prej fillimit nga projekti i KfW për Prespën, si një hap pozitiv për shkëmbimin e eksperiencave dhe rritjen e kapaciteteve. Parku Kombëtar “Prespa” hynë në zonat e mbrojtura në kategorinë 2, vendim i cili është shpallur në vitin 1999. Përfaqësuesit specifikë të florës dhe faunës në park janë venja (Juniperus excelsa), (Centaurea prespana), (Viola eximia), dhia e egër e Ballkanit (Rupicapra r. balcanica), ariu i murrmë (Ursus arctos) pelikani kaçurrel (Pelicanus Crispus). Monumente natyre në park janë: Venjat e Kallamasitrit, Zgavra e Zaverit, Dushqet e Manastirit Djellas, Ishulli i Maligradit, Gurët e Mumjes, Shpella e Trenit.http://ata.gov.al/2022/09/08/70-kamera-kurth-per-dokumentimin-e-jetes-se-eger-ne-prespe/
- Advertisment -