Presidenti ukrainas, Volodymyr Zelensky ka planifikuar një plan strategjik gjithëpërfshirës për të reformuar ligjin penal dhe sistemin e zbatimit të ligjit, në mënyrë që të jetë në përputhje me standardet e BE-së, tha ai gjatë fjalimi dje në mbremje. “Ne duhet të sigurojmë një sistem të rendit dhe ligjit për vendin tonë që është në përputhje me standardet e BE-së, për pranimin e shpejtë të Ukrainës në bllok”, tha Zelensky. “Çdo element i sistemit shtetëror, veçanërisht agjencitë e zbatimit të ligjit, duhet të funksionojë në atë mënyrë që njerëzit të ndihen vërtet të sigurt, që njerëzit të ndiejnë vërtetë drejtësinë, që puna e përditshme e atyre që gjykojnë shtetin të jetë e garantuar në nivel institucionesh”, tha lideri ukrainas. “Ukraina duhet të sigurojë nivelin më të lartë të sigurisë, nivelin më të lartë të lirisë, nivelin më të lartë të respektit për ligjin dhe për popullin e Ukrainës”, tha ai. “Pas luftës, Ukraina duhet të jetë një shtet, modeli i jetës së të cilit respektohet nga të gjithë. Rruga për të arritur atje fillon tani”, tha Zelensky. Ukraina u bë një kandidat zyrtar për anëtarësim në BE verën e kaluar. Megjithatë, grupi prej 27 anëtarësh ende duhet të vendosë unanimisht për negociatat. Një votim pozitiv pritet pasi Ukraina të ketë përmbushur shtatë kushte. Këto përfshijnë, rregullat që rregullojnë procedurën e përzgjedhjes për gjyqtarët kushtetues dhe një luftë më të fortë kundër korrupsionit ,veçanërisht në një nivel të lartë. Bashkimi Evropian kërkon gjithashtu që të respektohen standardet e pastrimit të parave dhe të zbatohet një ligj kundër ndikimit të tepruar të oligarkëve. atsh
Zelensky:Ligji ukrainas në përputhje me rregullat e BE
- Advertisment -
Recent Comments
on 14 Shkurt- Java do të mbyllet me shi, por do të kemi një minipranverë gjatë të enjtes dhe të premtes
on Bashkia FIER
on Qarku BERAT
on Qarku DIBER
on Qarku TIRANE
on Qarku KUKES
on Qarku BERAT
on Qarku DIBER
on Bashkia FIER
on Qarku BERAT
on Qarku DIBER
on Qarku TIRANE
on 14 Shkurt- Java do të mbyllet me shi, por do të kemi një minipranverë gjatë të enjtes dhe të premtes
on Qarku VLORE
on Qarku KUKES
on Qarku BERAT
on Bashkia FIER