Webb dhe Hubble kapin pamje mahnitëse të një “çift” galaktik

Kur astronomët kombinojnë fuqitë vëzhguese të teleskopit hapësinor James Webb dhe teleskopit hapësinor Hubble, ata kapin pamjet më të detajuara të kozmosit. Një imazh i ri që tregon një “çift” galaktik, i shpërndarë nga NASA të mërkurën, është rezultati i mrekullueshëm i përdorimit të të dhënave nga të dy observatorët hapësinorë. Secili nga teleskopët kontribuoi në vëzhgime në gjatësi vale të ndryshme të dritës. Webb mund të zbulojë dritën infra të kuqe, e cila është e padukshme për syrin e njeriut, ndërsa Hubble ka aftësinë të vëzhgojë dy galaktikat në dritën e dukshme si dhe në dritën ultravjollcë. Dyshja e galaktikës eliptike dhe galaktikës spirale njihet si VV 191. Këto galaktika të vogla, të cilat duket se janë shumë afër njëra-tjetrës, në fakt nuk po ndërveprojnë me njëra-tjetrën, por ato i lejojnë studiuesit të gjurmojnë dhe krahasojnë pluhurin galaktik.https://lajme.rtsh.al/artikull/nasa-publikon-imazhe-te-reja-teleskopet-webb-dhe-hubble-kapin-pamje-mahnitese-te-nje-cift-galaktik