Virusi pandemik Sars Cov 2 gjunjëzoi botën përgjatë këtyre muajve. Organizatat ndërkombëtare të shëndetit, liderë botërore e ekpertë shëndetësore lëshuan kohë pas kohe, apele për kujdes e respektim të masave me qëllim që të shmangen fatalitetet njerëzore. Por, në anën tjetër, realiteti në mjedis, kudo që ka jetë njerëzore flet ndryshe. Vetëm në Europë, nga të dhënat që përditësohen nga agjencitë europiane shënohen mbi 1.4 milion vdekje si rezultat i ndotjes së ajrit, ujit dhe tokës. Ndërsa virusi Covid-19, që nga fillimi i pandemisë po në Europë, ka shkaktuar mbi 1million humbje jetësh njerëzore. Këtë vit apo tjetrin, pandemia do të kalojë ndërsa mjedisi do të vijojë të vrasë mijëra njerëz cdo vit në qytetet më të zhvilluara Europiane.
