Unaza e Madhe e kryeqytetit përbën një segment prej 27 kilometrash të gjatë që lidh kryeqytetin me të gjitha rrugët dalëse kombëtare. Llogaritet se hyrja dhe dalja nga Tirana për çdo qytetar, lehtësohet me një të tretën e kohës që deri tani, për shkak të mungesës së kësaj vepre, qytetari ishte i detyruar të harxhonte me makinën e tij, për të hyrë dhe për të dalë nga kryeqyteti në drejtime të ndryshme. Punimet për ndërtimin e të gjitha loteve të Unazës së Madhe pritet të mbyllen brenda këtij viti.
