Tushemishti me shëtitore të re

Nga Driloni deri në Doganën e Tushemishtit ka nisur zbatimi i projektit të ri i cili transformojë dhe i jep frymëmarrje zonës. Shëtitore, korsi biçikletash, ndriçim të ri rrugor dhe shumë elementë të tjerë urbanë. Në këtë mënyrë do të krijohet aksesi i duhur për këmbësorët dhe pedaluesve, në këtë shëtitore aq shumë të frekuentuar mbrëmjeve, të çdo stine. “1.2 km shëtitore do të kenë impakt të drejtpërdrejtë në zhvillimin e mëtejshëm turistik hotelier dhe familjar”, thuhet në faqen e bashkisë Pogradec, ku njoftohet edhe për një tjetër projekt që do të nisë së shpejti nga Vilat e deri në Drilon, duke përmbyllur një prej investimeve më serioze në bregun e liqenit, me ndërtimin e shëtitores dhe korsinë e biçikletave, nga më të mëdhatë në rajon. Përveç shëtitores së Tushemishtit, aktualisht po zbatohen ndërhyrje rehabilitimi në parkun ekzistues të Drilonit për ta zgjeruar atë deri te burimet e Gurasit. Do të ndërtohet qendra e vizitorëve, 3 parkime publike, si dhe do të kryhet rikonstruksioni i fasadave të Tushemishtit.https://ata.gov.al/2022/12/16/tushemishti-se-shpejti-me-shetitore-te-re/