Të krijuar në Londër në vitin 1962, “The Rolling Stones” kanë një histori të gjatë me albume në krye të klasifikimeve dhe hite numër një, përfshirë “(I Can’t Get No) Satisfaction”, “Paint It Black” dhe “Start Me Up”.
Grupi ka pasur anëtarë të ndryshëm ndër vite, ndërsa formacioni aktual përbëhet nga Mick Jagger, Keith Richards dhe Ronnie Wood.
Pas ndarjes nga jeta të anëtarit të vjetër Charlie Watts në gusht 2021, në moshën 80-vjeç, muzikanti Steve Jordan mori rolin e bateristit të grupit.
Në atë kohë, grupi e cilësoi Watts si “një nga bateristët më të mëdhenj të brezit të tij” në një homazh prekës të publikuar në rrjetet sociale.
“The Rolling Stones”, të futur në Rock and Roll Hall of Fame në vitin 1989, kanë regjistruar 14 albume numër një në Britaninë e Madhe dhe tetë hite që kanë arritur vendin e parë gjatë karrierës së tyre shumëdekadëshe.
