“Të prezantoj babain” në amfiteatrin antik të Durrësit

Për disa mbrëmje me radhë në amfiteatrin e Durrësit u shfaq me sukses komedia brilante “Të prezantoj babain”, vënë në skenë nga trupa e teatrit të Durrësit. Kryebashkiakja e Durrësit, Emiriana Sako publikoi në rrjetet sociale foto nga shfaqja, e cila ka mbledhur artdashës të shumtë si pjesë e aktiviteteve artistike dhe kulturore që ofrohen gjatë sezonit turistik. Kjo komedi nga Alan Ayckbourn, përkthyer dhe me regji të Adelina Muçës, u mirëprit nga artdashësit durrsakë dhe vizitorët e shumtë, që vlerësuan interpretimin e aktorëve Gentian Zenelaj, Suela Bako, Ervin Doko dhe Alesia Xhemalaj të cilët krijuan një atmosferë të gëzueshme në arenën e amfiteatrit antik. atsh