Të ardhurat nga TVSH, rritje me 23.8 % gjatë 8-mujorit

Të ardhurat nga Tatimi mbi Vlerën e Shtuar (neto) u realizuan në masën 30.9 miliardë lekë, gjatë periudhës janar-gusht, 5.9 miliardë ose 23.8 % më shumë se 8-mujori 2022, si dhe 3.5 miliardë lekë ose 12.8 % më shumë se plani i TVSH për t’u arkëtuar në 8-mujorin 2023. Referuar raportit të Ministrisë së Financave dhe Ekonomisë mbi treguesit fiskal, të ardhurat nga TVSH në import për 8-mujorin rezultojnë 95.3 miliardë lekë, 5.2 miliardë lekë ose 5.2 % më pak se e njëjta periudhë e një viti më parë, si dhe 8.8 miliardë ose 8.5 % më pak se plani për 8-mujorin 2023. Rimbursimet për periudhën 8-mujore 2023 janë 12.3 miliardë lekë, 764 milionë lekë ose 6.6 % më shumë se 8-mujori 2022, si dhe 556 milionë lekë ose 4.7 % më shumë se plani i rimbursimit të TVSH-së për 8-mujorin 2023.