Sulmi izraelit dëmton selinë e Gjysmëhënës së Kuqe Palestineze

Avionët izraelitë bombarduan selinë e Gjysmëhënës së Kuqe Palestineze në Rripin verior të Gazës, tha sot shërbimi i shpëtimit. Nuk pati raportime të menjëhershme për të plagosur apo vdekje. Ushtria izraelite tha se po kontrollonte raportet mbi incidentin. Në përgjigje të sulmeve të papritura të së shtunës nga militantët islamikë të Hamasit që shkaktuan të paktën 1 200 të vdekur në Izrael, shteti hebre rrethoi Rripin e Gazës, duke thënë se nuk do të kishte energji elektrike, ushqim apo karburant që do të hynte në territor. Izraeli gjithashtu nisi sulme ajrore në territorin bregdetar, ku jetojnë mbi 2 milionë palestinezë. Situata humanitare në Gaza pritet të përkeqësohet. Ministria e Shëndetësisë e Gazës tha se të gjithë shtretërit spitalorë në territor ishin të okupuar, të gjitha ilaçet ishin përdorur dhe furnizimet me pajisje mjekësore po mbaronin. Numri i të vdekurve në Rripin e Gazës nga sulmet ajrore izraelite që nga e shtuna është rritur në të paktën 1 055.