Stoku total i depozitave 1.26 trilionë lekë

Kursimet e individëve dhe bizneseve kanë vijuar rritjen edhe në muajin shtator të këtij viti. Sipas Bankës së Shqipërisë, në fund të shtatorit 2022, stoku total i depozitave arriti në 1.26 trilionë lekë, me një rritje të lehtë prej 0.07% në krahasim me muajin e mëparshëm. BSH-ja bëri të ditur se, në gusht depozitat u zgjeruan me 24 miliardë lekë ose 2% më shumë, duke shënuar ritmet më të larta që nga dhjetori i 2021-shit. Sipas BSH-së, këto janë dy periudha sezonale, që shoqërohen gjithnjë me shtim të kursimeve në banka për shkak të efekteve të turizmit dhe sidomos të ardhurave të emigrantëve, ndërsa tendenca e rritjes po vijon ende.https://ata.gov.al/2022/10/28/stoku-total-i-depozitave-1-26-trilione-leke/