Konfederata e Futbollit të Amerikës së Jugut (CONMEBOL) ka zbuluar statujën me përmasa reale të asit argjentinas Lionel Messi që do të ekspozohet në muzeun CONMEBOL pranë statujave të gjigantëve të futbollit, legjendave të ndjerë Diego Armando Maradona dhe Pele. Mbrëmë në selinë e CONMEBOL në Paraguaj u mbajt ceremonia La Noche de las Estrellas (Nata e Yjeve), ku mori pjesë edhe kombëtarja e Argjentinës si kampione aktuale e botës. Futbollistëve dhe trajnerit të Argjentinës, Lionel Scaloni, iu dhuruan trofe në miniaturë të Kupës së Botës 2022 dhe Copa America 2021. CONMEBOL konfirmoi në një deklaratë se statuja e Messit në fanellën e Argjentinës duke mbajtur trofeun e Kupës së Botës do të ekspozohet së bashku me statuja të ngjashme të Maradonës dhe Peles në muze. atsh
- Advertisment -