Skulpturat e paekspozuara të Arben Bajos, në Galerinë FAB

Ekspozitën të cilën artisti i ndjerë Arben Bajo nuk mundi ta realizonte, sa ishte në jetë, të apasionuarit e artit mund ta ndjekin në Galerinë FAB. Skulturat e kësaj ekspozite që mban titullin “Mythodea” sipas një vepre të kompozitorit të famshëm grek Vangelis, i kushtohen mitologjisë. Kuratorët e ekspozitës janë shprehur se artisti kishte kohë që dëshironte të ndërtonte një seri veprash me temë nga mitet e botës antike. Në FAB gjenden të ekspozuara 25 skulptura të madhësive të vogla, mesatare, dekorative për interier, por edhe skulptura të dimensioneve të mëdha si demi kretez me Europën nënkrye. Për artistin krijimet e tij ishin një shtresëzim simbolik i natyrës njerëzore në konfliktin e përjetshëm mes racionales dhe instiktives. Arben Bajo u nda nga jeta dy vjet më parë në moshën 53-vjeçare, si pasojë e infektimit me COVID-19.https://ata.gov.al/2022/11/07/skulpturat-e-paekspozuara-te-arben-bajos-ne-galerine-fab/