Situata e Ukrainës është e ngjashme me krizën e raketave në Kubë

Situata sot është e ngjashme me krizën e raketave në Kubë, pasi kërcënimet e menjëhershme janë pikërisht në kufijtë e Rusisë, deklaroi ministri i Jashtëm rus Sergei Lavrov, i cituar nga TASS. ”Rusia ende nuk e sheh gatishmërinë e SHBA-së dhe aleatëve të saj për të treguar përgjegjësi dhe mençuri në zgjidhjen e situatës në Ukrainë”, shtoi Lavrov. ”Rusia ende është e gatshme të negociojë me partnerët e saj perëndimorë për Ukrainën, kishte deklaruar dje Lavrov. “Udhëheqja ruse, përfshirë presidentin Vladimir Putin, mbetet e gatshme për negociata mbi Ukrainën”, tha Lavrov në një intervistë për televizionin lokal, njoftoi agjencia shtetërore e lajmeve TASS. Ai shtoi se Moska “do të jetë gjithmonë e gatshme të dëgjojë se çfarë propozimesh kanë partnerët perëndimorë për uljen e tensioneve”. “Gatishmëria e Rusisë, përfshirë presidentin e saj, për negociata (mbi Ukrainën) mbetet e pandryshuar”, tha Lavrov.https://ata.gov.al/2022/10/31/rusi-lavrov-situata-e-ukraines-eshte-e-ngjashme-me-krizen-e-raketave-ne-kube/