“Siguria e të rinjve”

Drejtoria Vendore e Policisë Tiranë, në mbështetje të marrëveshjes së bashkëpunimit mes Ministrisë së Brendshme dhe Ministrisë së Arsimit dhe Sportit, për programin “Siguria e të rinjve”, zhvilloi disa takime sensibilizuese në shkollat 9-vjeçare publike dhe jopublike të kryeqytetit. Punonjësit e Policisë bashkëbiseduan me nxënësit e shkollave “100 Vjetori”, “Andrea Stefani”, “Bajram Curri”, “1 Qershori” dhe “Drita Pelinku”, për temat “Bullizmi”, “Siguria Rrugore”, “Edukimi, ndërgjegjësimi dhe reduktimi i kërkesës për drogë dhe substanca të tjera të rrezikshme”, për ndërgjegjësimin e tyre për bullizmin, sigurinë rrugore apo efektet negative të duhanit, alkoolit dhe përdorimit të substancave narkotike, të cilat janë të dëmshme për shëndetin. Njëkohësisht, gjatë këtyre takimeve nxënësit nëpërmjet videove të ndryshme, janë njohur me materialet e përgatitura nga punonjësit e Policisë, për këto tema.https://ata.gov.al/2022/09/26/siguria-e-te-rinjve-punonjesit-e-policise-takime-me-nxenes-ne-tirane/