Komisioni Evropian po shqyrton shkurtimin e miliarda eurove në fondet për Hungarinë për akuzat për korrupsion, deklaruan burime pranë BE-së. Komisioni Evropian mund të propozojë që këtë të dielë që të bllokojë shumë nga paratë e BE-së që Hungaria do t’i takonte nga disa programe të Fondit Strukturor për të ndihmuar rajonet e pafavorizuara, nga frika se Budapesti nuk i menaxhon siç duhet paratë. Sot, parlamenti i BE-së mbështeti bllokimin e financimit për Hungarinë dhe votoi për të mos e konsideruar Hungarinë një “demokraci të plotë”. Presidentja e Komisionit Evropian Ursula von der Leyen theksoi të mërkurën në Strasburg se ”dëshironte të merrte një veprim vendimtar kundër korrupsionit”. “Është detyrë e komisionit tim dhe roli më fisnik për të mbrojtur sundimin e ligjit”, tha von der Leyen. /https://ata.gov.al/2022/09/15/bruksel-be-shqyrton-shkurtimin-e-fondeve-per-hungarine-pas-shqetesimeve-per-korrupsion/
- Advertisment -