Shkelja e sanksioneve të BE-së duhet të ketë kosto

Gjermania dhe Lituania theksuan sot se shkelja e sanksioneve të BE-së shoqërohet me pasoja, ndërsa diskutimet për një raund të ri masash ndëshkuese ndaj disa vendeve dhe kompanive kanë vazhduar sot në Bruksel. “Nuk duhet të ketë shmangie të sanksioneve”, tha ministrja e Jashtme gjermane, Annalena Baerbock, duke theksuar se edhe nëse kompanitë individuale eksportojnë materiale të llojit të armëve, kjo duhet të ketë pasoja. “Sanksionet shoqërohen me një kosto të lartë për Bashkimin Evropian”, tha ministri i Jashtëm lituanez, Gabrielius Landsbergis. Vendet e BE-së nuk kanë rënë dakord ende për masat e reja ndëshkuese ndaj Rusisë lidhur me pushtimin e Ukrainës që synojnë të shtypin evazionin e sanksioneve nëpërmjet vendeve jashtë bllokut si, Kazakistani, Armenia dhe Emiratet e Bashkuara Arabe. Hungaria ka paralajmëruar se do të bllokojë raundin e fundit të sanksioneve për përfshirjen e bankës më të madhe të vendit OTP në listën e objektivave të mundshëm. Vendimi kërkon unanimitet. Sanksionet e reja do të miratohen ndaj Iranit lidhur me shtypjen e regjimit ndaj demonstratat anti-qeveritare që vijnë pasi Teherani ekzekutoi tre burra të tjerë në lidhje me protestat.atsh