Gazi dhe nafta janë burimet kryesore natyrore në bashkinë e Selenicës. Zona paraqet po ashtu, potencial të madh për të zhvilluar më tej energjinë diellore dhe bujqësinë. Kjo theksohet në raportin e Vlerësimit të Kapitalit Natyror të Bashkisë, që u paraqit dje për diskutim në Selenicë. Dokumenti, i përgatitur nga tre ekspertë vendas të kontraktuar nga Prezenca e OSBE-së që punuan në bashkëpunim me Ministrinë e Brendshme dhe bashkinë Selenicë, do të shërbejë si udhëzues për bashkinë, me synim rritjen e përpjekjeve për të shfrytëzuar kapitalin natyror vendor në dobi të komunitetit. Kryetari i bashkisë, Pëllumb Binaj e vlerësoi raportin dhe procesin e hartimit të tij jo vetëm për shtimin e përfitimeve financiare nga burimet natyrore, por edhe për rritjen e njohurive të autoriteteve vendore. Dokumenti u miratua në parim nga autoritetet vendore. Raporti i përfunduar, duke përfshirë rekomandimet e mbledhura nga takimi, do t’u dorëzohet autoriteteve deri në fund të tetorit.https://ata.gov.al/2022/09/23/selenica-potencial-per-te-zhvilluar-me-tej-energjine-diellore-dhe-bujqesine/
- Advertisment -