Britania e Madhe dyshon në aftësinë e Rusisë për të zbatuar mobilizimin e pjesshëm të 300 000 rezervistëve në luftën kundër Ukrainës. “Rusia ka të ngjarë të luftojë me sfidat logjistike dhe administrative të grumbullimit të 300 000 rezervistëve’’, deklaroi Ministria e Mbrojtjes në përditësimin e saj nga shërbimet sekrete për luftën. “Putin ndoshta do të përpiqet të dislokojë formacione të reja me këto trupa, të cilat nuk kanë gjasa të jenë efektive në luftime për muaj të tërë”, shtoi ministria britanike. Ministria e Mbrojtjes e sheh mobilizimin e pjesshëm si një shenjë të dobësisë ruse. “Lëvizja është në fakt një pranim se Rusia ka shteruar furnizimin e saj me vullnetarë të gatshëm për të luftuar në Ukrainë. Edhe ky mobilizim i kufizuar ka të ngjarë të jetë shumë i papëlqyer nga pjesë të tëra të popullsisë. Putini po ndërmerr një rrezik të konsiderueshëm politik me shpresën për të gjeneruar forcën luftarake shumë të nevojshme’’, shtoi ajo. Putin ka urdhëruar dje mobilizimin e pjesshëm të 300 000 rezervistëve për të mbushur boshllëqet në luftën kundër Ukrainës.http://ata.gov.al/2022/09/22/fokus-bm-rusia-ka-probleme-me-mobilizimin-e-pjesshem-te-rezervisteve/
- Advertisment -