Kushtet e paqëndrueshme atmosferike do të vijojnë të dominojnë kushtet e motit në Kosovë, KU pritet që gjatë paradites të ketë vranësira të shpeshta. POR do të ketë dhe intervale të shkurtra me kthjellime. Ndërsa pjesa e dytë e ditës do ti bëj më të dukshme vranësirat në vend, të cilat herë pas here do të krijojnë mundësi për reshje. Vlerat e ulëta barike do të diktojnë kushtet e motit në të gjithë territorin e MV, KU paraditja do të jetë me kthjellime të pakta dhe vranësira të shpeshat. Ndërsa në pjesën e dytë të ditës vranësirat do të dominojnë në MV , të cilat herë pas here do të pësojnë zhvillime duke gjeneruar shira. Reshjet më të dukshme do të jenë përgjatë kufirit perëndimor. Pjesërisht Europa Jugore do të jetë në mbizotërimin e vranësirave të shpeshta të cilat herë pas here do të gjenerojnë reshje shiu. Gjithashtu me vranësira, POR me reshje në formë dëbore PARAQITET Lindja e kontinentit dhe gadishulli Skandinav. Ndërsa Ishujt Britanik dhe pjesa më e madhe e Europës Qëndrore do të jenë në dominimin e kthjellimeve dhe kalimeve të vranësirave. Po ashtu me mot të qëndrueshëm do të jetë edhe Jugperëndimi i kontinentit, KU pritet që kthjellimet të jenë më të dukshme.
- Advertisment -