Rajoni,Europa Moti-E Hënë, 10 Prill 2023

Pjesa e parë e ditës do të jetë në dominimin e vranësirave të shpeshta të cilat do të gjenerojnë reshje të pakta shiu dhe dëbore në të gjithë territorin e Kosovës. PO ashtu, orët e mesditës dhe pasdites MBETEN me vranësira dhe reshje të pakta. Ndërsa mbrëmja do sjellë përmirësim të përkohshëm të kushteve të motit në Kosovë. Republika e MV parashikohet të jenë në dominimin e vranësirave të shpeshta përgjatë gjithë ditës. Vranësirat herë pas here do të pësojnë zhvillime duke gjeneruar reshje shiu dhe dëbore në territorin e MV. POR gjithashtu pritet të ketë dhe intervale të shkurtra kohore me kthjellime, të cilat më të dukshme do të bëhen në orët e vonë të natës.Pjesërisht rajoni qëndror i Ballkanit dhe brigjet e Egjeut do të jenë më vranësira të cilat herë pas here do të zhvillohen duke sjellë reshje afatshkurtra. Gjithashtu Brigjet Veriperëndimore të Europës dhe Britania e Madhe pritet të jenë nën ndikimin e kushteve të paqëndrueshme atmosferike duke bërë që të ketë vranësira dhe reshje shiu. Ndërsa pjesa tjetër e kontinentit parashikohet të jetë me alternime kthjellimesh dhe vranësirash në Skandinavi, Europën Lindore dhe Qëndrore. POR kthjellimet do të jenë më prezente në Jugperëndim të Europës.