Bylisi është një nga qendrat më të rëndësishme arkeologjike të Shqipërisë, por pak i njohur nga turistët vendas dhe të huaj. Qyteti që dikur ishte qendra e Ilirisë jugore ka sipërfaqen më të madhe të mozaikëve në Ballkan, të cilët këtë vit kanë nisur të zbulohen për vizitorët. Ndërtimi i një rruge të re pritet ta kthejë këtë qendër arkeologjike në një itinerar të rëndësishëm turistik. Zëri i Amerikës i ka kushtuar një shkrim ditën e diel kësaj qendre të rëndësishme arkeologjike, të panjohur nga vizitorët, duke i ftuar që ta vizitojnë për ta zbuluar.
