Punësimi i migrantëve PNUD, përfitues mbi 300 familje të rikthyera

Migrimi është tashmë një realitet për shumë familje shqiptare, ashtu si edhe rikthimi mbetet një alternativë nga qindra prej tyre çdo vit. Statistikat raportojnë se rreth 250,000 shqiptarë janë kthyer nga jashtë vendit qysh prej vitit 2000. Ekspertët vlerësojnë se të rikthyerit sjellin zhvillim në Shqipëri: Njohuri dhe dije të reja; Inovacion dhe teknologji; Hapin biznese dhe krijojnë vende të reja pune; Ndërtojnë rrjete ndërkombëtare tregtare; Sjellin remitanca dhe investojnë në kursime, etj. PUNUD në Shqipëri, në bashkëpunim me Ministrinë e Shëndetësisë dhe Mbrojtjes Sociale dhe Agjencinë Kombëtare të Punësimit dhe Aftësive, në kuadër të Projektit të financuar nga BE-ja “Forcimi i sistemeve kombëtare dhe lokale për të mbështetur integrimin efektiv social-ekonomik të të kthyerve në Ballkanin Perëndimor” po punojnë në bashkitë Fier, Berat dhe Devoll për ri-integrimin e të rikthyerve nga azili dhe migracioni. 13 organizata të shoqërisë civile janë kontraktuar në ofrimin e shërbimeve të integruara të punësimit, të cilat do të sjellin inovacion, aftësim dhe formim profesional dhe dixhital, krijojnë biznese dhe hapin vende të reja pune për mbi 300 familje të rikthyera nga azili dhe migrimi. atsh