Pukë, mbërrin kontigjenti i parë i ndihmës në paketa ushqimore

Moti i keq, me reshje intensive shiu që ka përfshirë vendin tonë që prej të dielës ka sjellë problematika në qarqe të ndryshme. Në Pukë sapo ka mbërritur kontigjenti i parë i ndihmës në paketa ushqimore. Bashkia Pukë informon se pakot me ushqime do të përdoren nga familjet në vështirësi në raste të përkeqësuara të motit dhe të moshuarit në vetmi. Prefektja e qarkut, Majlinda Angoni, Agjencia Kombëtare e Mbrojtjes Civile dhe Rezervat Materiale të Shtetit i janë përgjigjur pozitivisht menjëherë kërkesës të kryebashkiakut Gjonaj për mbështetje me paketa ushqimore, të cilat mbërritën këtë mbrëmje në bashkinë e Pukës.https://ata.gov.al/2022/11/22/puke-mberrin-kontigjenti-i-pare-i-ndihmes-ne-paketa-ushqimore/