Ministrja e Arsimit dhe Sportit, Evis Kushi priti sot në takim ambasadorin e Italisë, Fabrizio Bucci. Kushi u shpreh se në takim me ambasadorin Bucci u diskutua rreth projekteve të përbashkëta në fushën e arsimit, veçanërisht në shkollat ku zbatohet programi dygjuhësh. Kushi theksoi se gjithashtu në takim u fol rreth thellimit të bashkëpunimit në fushën e arsimit të lartë, ku, nënvizoi ministrja Kushi “vlen të përmenden programet e përbashkëta dhe të dyfishta mes universiteteve italiane dhe ato shqiptare, të cilat po përparojnë në procesin e ndërkombëtarizimit dhe rritjes së cilësisë”. “E falënderoj ambasadorin Fabrizio Bucci për angazhimin e tij të vazhdueshëm në mbështetjen e zhvillimit të arsimit në vendin tonë”, shkroi Kushi në një postim në rrjetet sociale.https://ata.gov.al/2022/08/29/kushi-programe-te-perbashketa-mes-universiteteve-italiane-dhe-atyre-shqiptare/
