Prodhimi në sektorin e industrisë, rritje me 6.8 %

Industria nxjerrëse dhe ajo përpunuese performuan pozitivisht në tremujorin e tretë të këtij viti, krahasuar me të njëjtën periudhë të vitit 2021. Treguesit tremujorë mbi prodhuesit e të mirave sinjalizojnë rritje të indekseve të shitjeve dhe të prodhimit në sektorin e industrisë. Të dhënat tregojnë se gjatë tremujorit të tretë të vitit 2022, indekset e shitjeve të prodhimit, pagës dhe i numrit të punësuarve kanë pësuar rritje. Sektori i industrisë, ku përfshihet industria nxjerrëse dhe ajo përpunuese, ka pësuar ndryshime pozitive gjatë tremujorit të tretë të vitit 2021. Në aktivitetin “industri”, indeksi i shitjeve neto në volum ka pësuar rritje, me 1.7%, krahasuar me tremujorin e tretë të vitit 2021. Konkretisht, indeksi i shitjeve për industrinë nxjerrëse është rritur me 12.7%, ndërsa për industrinë përpunuese ky indeks ka shënuar rënie me 0.6 %. Indeksi i prodhimit në volum, me 6.8%. Brenda sektorit të industrisë, indeksi i prodhimit në volum për industrinë nxjerrëse është rritur më 17.7% krahasuar me tremujorin e tretë të vitit 2021, ndërsa indeksi i prodhimit për industrinë përpunuese është rritur, me 3.9%. Indeksi i numrit të të punësuarve, ka pësuar rritje me 2.1%, ndërsa ai i pagave është rritur me 16.8%, krahasuar me tremujorin e katërt 2021.https://ata.gov.al/2022/12/17/prodhimi-ne-sektorin-e-industrise-rritje-ne-volum-me-6-8/