Në prag të nisjes së sezonit veror qyteti liqenor i Pogradecit, ka zgjedhur që të jetë më i prekshëm për vizitorët dhe turistët, jo vetëm me investimet në infrastrukturë dhe gjelbërim, por edhe me plazhet publike, pastërtinë, sportet ujore apo shumë aktivitete të tjera.
I ndodhur përballë Ohrit dhe Strugës, 39 km larg Korçës, në breg të Liqenit të Ohrit dhe rrëzë malit të Thatë, qyteti i Pogradecit është një nga atraksionet më të bukur turistik të vendit, që mirëpret vizitorë në çdo stinë të viti.
Zonat më të vizituara mbeten Prespa, Driloni, Tushemishti pa harruar liqenin e Ohrit që është perlë e papërsëritshme natyrore, klimatike, relaksuese dhe frymëzuese.
Pogradeci dhe rrethinat e tij, tashme janë shndërruar në një destinacion turistik, ku krahas investimeve në infrastrukturë përparësi po marrin investimet në bujtina, qendra akomodimi hoteleri dhe biznese turistike, që po i përgjigjen kërkesës gjithnjë e në rritje të fluksit të turistëve të huaj dhe atyre vendas një atraksion i përhershëm turistik për natyrën, kulturën dhe historinë që i japin madhështinë. atsh
