Policia Rrugore u bënë thirrje të gjithë përdoruesve të rrugës dhe këmbësorëve të respektojnë rregullat e qarkullimit rrugor, pasi në të kundër patrullat e policisë të vendosin masë administrative gjobë. Në një reagim në rrjetet sociale, policia rrugore publikon një video ku pasqyrohet puna e efektivëve të policisë rrugore, duke monitoruar akset në vend. “Zbatoni rregullat e qarkullimit rrugor, jepuni përparësi këmbësorëve në rrugë, të cilët duhet të përdorin vendkalimet e caktuara për ta dhe të tregojnë kujdes maksimal atje ku vendkalimet mungojnë, për të shpëtuar jetën e tyre dhe të të tjerëve”, është thirrja e Policisë Rrugore. “Vendosni rripin e sigurimit, mos përdorni celularin gjatë drejtimit të automjetit! Drejtuesit e motomjeteve dhe të biçikletave të përdorin kaskat mbrojtëse, si dhe gjatë natës të përdorin jelekë fosforeshentë, me qëllim shmangien e përfshirjes në ngjarje rrugore. Moszbatimi i rregullave nga të gjithë përdoruesit e rrugës rrit pasigurinë e jetës në rrugë”, përfundon thirrja e Policisë Rrugore.
