Pfizer/BioNTech aplikon për miratimin e vaksinës së re përforcuese

Gjigandi farmaceutik amerikan “Pfizer” dhe partneri i tij gjerman “BioNTech” i kanë kërkuar Administratës së Ushqimit dhe Barnave të SHBA-së të autorizojë përdorimin e tyre të riformuluar që synon dy nënvariante të Omicron-it aktualisht në qarkullim të gjerë. Vaksina përforcuese është modifikuar për nënvariantet Omicron BA.4 dhe BA.5 për personat e moshës 12 vjeç e lart. Nuk ka ende një provë klinike për variantin BA.4/BA.5 të përforcuesit. Më herët kompanitë njoftuan të dhëna për sigurinë dhe tolerancën nga provat e Fazës 2 dhe 3 të një doze përforcuese prej 30 mikrogramësh për variantin BA.1, e cila kombinon vaksinën ekzistuese dhe një vaksinë që synon proteinën spike të variantit Omicron BA.1. Vaksina bivalente e përshtatur nga Omicron BA.1 shkaktoi një përgjigje imune superiore ndaj variantit Omicron BA.1 krahasuar me vaksinën aktuale të kompanisë.https://ata.gov.al/2022/08/22/covid-19-pfizer-biontech-aplikon-per-miratimin-e-vaksines-se-re-perforcuese/