Një grua dhe djali i saj, 5-vjeçar vdiqën si pasojë e përmbytjeve të djeshme në Pejë. Policia informoi se pas vdekjes së 5-vjeçarit, në lagjen “Asllan qeshme”, u gjet e vdekur edhe nëna e tij, e cila ishte e zhdukur. Vdekja e 5-vjeçarit u konstatua nga Spitali i Pejës rreth orës 23:10 të së shtunës. Ndërsa, vdekja e gruas u konstatua nga ekipi mjekësor rreth orës 1:20 të së dielës. U raportua se edhe në lagjen “Fidanishte” dy persona u dërguan për trajtim mjekësor pas lëndimeve të marra. Ministri i Mbrojtjes, Armend Mehaj u shpreh se janë në dispozicion për të tejkaluar situatën e rënduar në Pejë. “Njësitë tona të kërkim-shpëtimit tashmë janë nisur për në qytetin e Pejës, do të jenë aty ku ka nevojë për t’iu dalur në ndihmë në këtë gjendje të rëndë. Me të gjitha kapacitetet tona jemi në dispozicion për të tejkaluar këtë situatë.”, shkroi Mehaj në Facebook. atsh
- Advertisment -