Parlamenti britanik u shpërnda zyrtarisht, përpara zgjedhjeve të përgjithshme të 4 korrikut. Sondazhet më të fundit tregojnë laburistët si favoritë ndaj partisë konservatore aktualisht në qeveri. Pas vendimit të papritur të javës së kaluar të kryeministrit Rishi Sunak për të thirrur zgjedhjet, të 650 vendet e parlamentit janë vakant. Fushata zgjedhore pesëjavore për të zgjedhur anëtarët e rinj të parlamentit, të cilët do të marrin vendet e tyre nga 9 korriku sapo ka nisur.
