Papa Françesku nuk do t’i bashkohet kremtimit të Udhës së Kryqit

Në të Premten e Mirë të Pashkëve, Papa Francesku nuk do të marrë pjesë në kremtim pranë monumentit të Koloseut në Romë, ceremoninë e ritit të Udhës së Krishtit. “Për shkak të të ftohtit të madh të këtyre ditëve, Papa Françesku nuk do të ndjekë Stacionet e Kryqit përpara Koloseut”, njoftoi sot Selia e Shenjtë. Në vend të kësaj, ai do t’i bashkohet lutjeve të qytetarëve që do të mblidhen në Koloseun, nga rezidenca e tij në Domus Sanctae Marthae, në Vatikan. Papa Francesku, 86 vjeç doli nga spitali javën e kaluar, pas pothuajse tre ditësh trajtimi për bronkit. atsh