Pagat më të larta në Zvicër detyrojnë 4 000 infermierë lombardë të lënë vendin

Rajoni i Lombardisë po kërkon të punësojë 2 287 infermierë të cilët i mungojnë sistemit, shkruan ”Corriere della Sera”. Infermierët në rajon janë të paktë (66 000), e shpesh herë të paguar keq, duke i bërë ata të shkojnë nëpër vende të tjera, veçanërisht në Zvicrën e afërt. Kjo është me pak fjalë tabloja e paraqitur nga drejtuesit rajonalë të Urdhrit të Profesioneve. ”Guri i themelit të problemit është mungesa e qarkullimit, pasi janë 3 000 infermierë që do të dalin në pension në qark në pesë vitet e ardhshme, krahasuar me jo më shumë se 2 000 të diplomuar të rinj”, shpjegoi nënkoordinatori rajonal, Aurelio Filippini. Por, në një rajon si Lombardia, çështja e pagës së pamjaftueshme ndihet edhe më shumë për shkak të afërsisë së vendeve në të cilat profesioni paguhet tre herë më shumë. Ka 6-7 000 infermierë nga Lombardia që punojnë jashtë vendit nga të cilat 4 000 punojnë në Zvicër. Në fakt, infermierët ndërkufitarë mund të fitojnë deri në 5 000 euro në Zvicër, aq sa një mjek në Itali, ndërkohë që paga mujore në këtë anë të kufirit nuk i kalon 1 600-1 700 euro në rastin më të mirë.