Opera ka mbetur një shtyllë e dashur kulturore për shekuj. Puna e kompozitorëve më të mëdhenj të botës ende tingëllon në zërat operistik anembanë globit dhe shumë këngë të famshme operistike kanë gjetur rrugën e tyre në kulturën popullore. La Traviata- Kjo operë me tre akte e kompozitorit italian Giuseppe Verdi u hap për herë të parë në 1853 në shtëpinë e famshme të operës “La Fenice” në Venecia. Titulli përkthehet si “gruaja e rënë” në lidhje me personazhin kryesor, një kurtizane të quajtur Violetta Valéry.
La Bohème- Një nga operat më të interpretuara të të gjitha kohërave, La Bohème e Giacomo Puccinit u shfaq premierë në Torino, “Teatro Regio” të Italisë më 1896 dhe tregon për historinë e dashurisë së një rrobaqepëse pariziene, Mimi dhe poetit, Rodolfo. Berberi i Seviljes- Berberi i Seviljes u kompozua nga Gioachino Rossini dhe u interpretua për herë të parë nën titullin “Almaviva, o sia L’inutile precauzione” më 20 shkurt 1816 në Teatro Argentina të Romës. Martesa e Figaros- Disa nga aktet më të njohura në opera vijnë nga komedia e Wolfgang Amadeus Mozart e vitit 1786 Martesa e Figaros. Ariet e gjalla të Mozartit i përshtaten çdo personazhi dhe dëshmojnë pse ai do të jetë gjithmonë një nga kompozitorët më të nderuar ndonjëherë.
Fidelio- Fidelio është opera e vetme e shkruar ndonjëherë nga kompozitori i famshëm Ludwig van Beethoven. Historia e një gruaje të re, Leonore, e cila maskohet si një burrë i quajtur Fidelio për të shpëtuar të shoqin që po mbahet si i burgosur politik në Spanjë, është ende po aq dramatike dhe interesante sa kur u shfaq premierë në Vjenë në 1805. Eugene Onegin- E kompozuar nga Pyotr Ilyich Tchaikovsky dhe libretisti Konstantin Shilovsky, Eugene Onegin u shfaq premierë si një krijim studentor në Teatrin Maly të Moskës në 1879. Opera e pestë e Çajkovskit u bazua në romanin e Aleksandër Pushkinit në vargje me të njëjtin emër. Rigoletto- Nëse mendoni se vetëm artistët modernë ngjallin polemika me tekstet dhe muzikën e tyre, atëherë duhet të njiheni me operën me tre akte të Giuseppe Verdit, Rigoletto . Bazuar në shfaqjen e Victor Hugo-s të vitit 1832 “Le Roi s’amuse”. Tristani dhe Isolda- Kompozitori gjerman Richard Wagner e quajti “Tristan und Isolde” veprën më të guximshme dhe origjinale të jetës së tij. Ajo u shfaq për herë të parë më 10 qershor 1865 në Mynih dhe tregon legjendën e lashtë të të dashuruarve keltë, ndërsa pasqyron gjithashtu fiksimin e Wagner-it në lidhjet e tij të dashurisë . Madam Butterfly- Kjo operë e njohur nga kompozitori italian Giacomo Puccini u shfaq premierë në shtëpinë e operës La Scala të Milanos më 17 shkurt 1904. Shkrimtarja Janelle Gelfand pohon se ajo që e bën shfaqjen kaq të shkëlqyer për fansat e rinj dhe të përkushtuar të operës janë meloditë e saj të bukura, skena e frymëzuar nga japonezët dhe historia tragjike e dashurisë për një geisha dhe një oficer amerikan.
