Ministrja e Arsimit dhe Sportit, Ogerta Manastirliu bëri të ditur sot se afati për njohjen dhe njësimin e diplomave për studentët që janë diplomuar jashtë do të ulet. “Kemi vendosur të lehtësojmë procesin e njohjes dhe njësimit të diplomave për studentët që janë diplomuar jashtë vendit. Nga 45 ditë, në vetëm 5 ditë për ata që kanë studiuar në vendet e Bashkimit Evropian, SHBA, Britani të Madhe, Kanada, Japoni, Izrael, etj. dhe 30 ditë për të diplomuarit nga vendet e tjera”, deklaroi ministrja. Procedura e njohjes dhe njësimit të diplomave për studentët që janë diplomuar jashtë vendit ka qenë një ndër shqetësimet e ngritura vazhdimisht.
