Një kërkim global ka nisur me qëllim për të gjetur një nga instrumentet më ikonike në botë dhe bëhet fjalë për kitarën origjinale Höfner të Paul McCartney. Lost Bass Project po bën thirrje për informacion rreth asaj që e përshkruan si “basi më i rëndësishëm në histori”. McCartney e bleu instrumentin për 30 £ (38 dollarë) në Hamburg, Gjermani, në vitin 1961, por ajo u zhduk tetë vjet më vonë. Kitara shfaqet në muzikën e Beatles të atyre viteve, duke përfshirë hitet “Love Me Do” dhe “She Loves You”. Nick Wass drejton projektin e kërkimit të Höfner në përpjekje për të zgjidhur “misterin më të madh në historinë e rock and roll “. Ai ka bashkëpunuar gjerësisht me McCartney dhe ka shkruar një libër për basin e kitarës Höfner të humbur. Nuk është e qartë se çfarë ndodhi me instrumentin, i cili u hoq me sa duket pasi Beatles përfunduan xhirimet Get Back në 1969, tha ai.
- Advertisment -