NASA nis programin e Hënës me testin e ”Artemis I”

Misioni hapësinor pa pilot i NASA-s ”Artemis I” për në Hënë, më në fund filloi sot, pas vonesave të shumta. Raketa ”Space Launch System” e agjencisë amerikane të hapësirës, ​​që mbante anijen kozmike ”Orion” pa ekuipazh, u ngrit nga Qendra Hapësinore ”Kennedy” në Florida në orën 06:47 GMT, pas vonesave për shkak të çështjeve teknike dhe kushteve të pafavorshme të motit. “Ne po ikim”, shkroi NASA në Twitter. “Artemis I’ fillon një kapitull të ri në eksplorimin njerëzor hënor”, shtoi ajo. Misioni ”Artemis” i NASA-s synon të zbarkojë përsëri astronautët amerikanë në Hënë për herë të parë në pothuajse pas 50 vjetësh. Misioni ”Artemis I”, i cili është pa pilot, do ta çojë anijen kozmike ”Orion” 64 000 kilometra përtej Hënës në mënyrë që të demonstrojë aftësitë e tij. ”Artemis II”, misioni i parë i fluturimit njerëzor i ”Orionit” në hapësirë, do të pasojë më vonë. Anija kozmike ”Orion” do të kryejë një test fluturimi hënor dhe do të kthehet në Tokë. Një ulje në Hënë do të jetë pika kulmore e misioneve ”Artemis”. Fillimisht e caktuar për vitin 2024, ngjarja historike tani është planifikuar të zhvillohet më së shpejti në vitin 2025. SHBA dërgoi 12 astronautë në Hënë midis viteve 1969 dhe 1972.https://ata.gov.al/2022/11/16/fokus-nasa-nis-programin-e-henes-me-testin-e-artemis-i/