Ministria e Shëndetësisë dhe Mbrojtjes Sociale informoi sot se, në 24 orët e fundit janë kryer 373 testime, nga të cilët 17 qytetarë kanë rezultuar pozitivë me COVID-19. Sipas MSHMS, rastet pozitive kanë rezultuar në këto bashki: 9 qytetarë në Tiranë, 2 në Vlorë, nga 1 qytetar në Tropojë, Durrës, Fier, Lushnjë, Memaliaj, Kuçovë. Ministria njofton se, “janë 166 qytetarë aktivë me COVID-19 në të gjithë vendin. Aktualisht në Spitalin Infektiv po marrin trajtim 6 pacientë. Në 24 orët e fundit nuk ka asnjë humbje jete me SarsCov2”. “Janë shëruar 11 qytetarë gjatë 24 orëve të fundit, duke e çuar numrin e të shëruarve në 329,873 që nga fillimi i epidemisë”, thuhet në njoftim. atsh
- Advertisment -