Ministria e Shëndetësisë dhe Mbrojtes Sociale informon se në 24 orët e fundit janë kryer 174 testime, nga të cilët 10 qytetarë kanë rezultuar pozitivë me COVID-19, 6 në Tiranë, nga 1 qytetarë në Durrës, Fier, Lushnje, Berat. Në njoftimin për mediet bëhet me dije se kanë 185 qytetarë aktivë me Covid 19 në të gjithë vendin. Aktualisht në Spitalin Infektiv po marrin trajtim 4 pacientë. Në 24 orët e fundit nuk ka asnjë humbje jete me SarsCov2. Janë shëruar 12 qytetarë gjatë 24 orëve të fundit, duke e çuar numrin e të shëruarve në 330,213 që nga fillimi i epidemisë. MSH i bën thirrje qytetarëve të mos neglizhojnë vaksinimin anticovid dhe vaksinimin kundër gripit, për të forcuar imunitetin e tyre. Vaksinimi anticovid dhe i gripit kryhet në qendrat shëndetësore në të gjithë vendin. Vaksinat reduktojnë mundësinë e infektimit dhe shmangin në shkallë të lartë hospitalizimet dhe fatalitetet.
- Advertisment -