Moska ka akuzuar Britaninë e Madhe dhe Shtetet e Bashkuara të Amerikës për përfshirje në sulmin ukrainas ndaj selisë së flotës ruse të Detit të Zi, në Sevastopol në Krimenë e aneksuar. “Londra dhe Uashingtoni kanë mbështetur prej kohësh regjimin kriminal në Kiev”, tha sot zëdhënësja e Ministrisë së Jashtme ruse, Maria Zakharova në një konferencë për shtyp në Moskë. “Sulmi i 22 shtatorit u krye, pa as më të voglin dyshim, me ndihmën e shërbimeve sekrete amerikane dhe britanike”, shtoi ajo. “Janë përdorur të dhëna të zbulimit perëndimor, satelitë të vendeve të NATO-s dhe avionë spiunazhi”, tha Zakharova. “Qëllimi i dukshëm i akteve të tilla terroriste është të largojnë vëmendjen nga përpjekjet e dështuara të kundërofensivës së forcave të armatosura ukrainase, të frikësojnë njerëzit dhe të nxisin panik në shoqërinë tonë”, tha ajo. Krimea u aneksua nga Rusia në vitin 2014 në kundërshtim me të drejtën ndërkombëtare. Në rrjedhën e kundërofensivës së saj, e cila ka vazhduar prej disa muajsh, Ukraina ka theksuar se kërkon gjithashtu të çlirojë gadishullin nga pushtimi rus. Selia e flotës ruse të Detit të Zi në qytetin e Sevastopolit u dëmtua rëndë gjatë sulmit, i cili përfshinte përdorimin e dronëve dhe raketave. Ukraina tha se, gjithsej ishin vrarë 34 oficerë rusë, megjithëse nuk ka paraqitur asnjë provë për të mbështetur pretendimin e saj. Rusia, e cila ka zhvilluar një luftë agresioni kundër Ukrainës për më shumë se 19 muaj, raportoi vetëm një person të zhdukur pas sulmit.
Moska: Londra dhe Uashingtoni të përfshirë në sulmin ndaj Krimesë
RELATED ARTICLES
- Advertisment -
Recent Comments
on Bashkia FIER
on Qarku VLORE
on Qarku VLORE
on Qarku DIBER
on 14 Shkurt- Java do të mbyllet me shi, por do të kemi një minipranverë gjatë të enjtes dhe të premtes
on Bashkia FIER
on Qarku BERAT
on Qarku DIBER
on Qarku TIRANE
on Qarku KUKES
on Qarku BERAT
on Qarku DIBER
on Bashkia FIER
on Qarku BERAT
on Qarku DIBER
on Qarku TIRANE
on 14 Shkurt- Java do të mbyllet me shi, por do të kemi një minipranverë gjatë të enjtes dhe të premtes
on Qarku VLORE
on Qarku KUKES
on Qarku BERAT
on Bashkia FIER