Vijojnë të përshkallëzohen tensionet mes Turqisë dhe Greqisë për ishujt e çmilitarizuar në detin Egje. Ministri i jashtëm turk Mevlut Çavuşoğlu ka paralajmëruar Greqinë se nëse vijon provokimet do të vuajë pasojat. Gjatë fjalës në ceremoninë përkujtimore të fitores së turqve kundër grekëve 100 vjet më parë, ministri i ka bërë thirrje Greqisë që të mos bëhet peng i së shkuarës, pasi siç theksoi ai, Miqësia e Turqisë është e lashtë, armiqësia e saj është e rëndë. “Ky është vendi ku ne shpëtuam Anadollin, atdheun e lashtë turk, nga mizoritë greke. Kur vijmë në këtë ditë, ndërsa po përpiqemi të respektojmë të drejtat e fqinjëve në të dy anët e Egjeut, greku vazhdon të gërvishtet dhe gërvisht. Nëse i futesh një aventurë në emër të të tjerëve, pasojat do t’i vuash sot si në të kaluarën. Ky është një paralajmërim për fqinjin tonë Greqinë. Ushtria turke, e lodhur nga vitet e luftës, e ka kaluar me sukses këtë test të madh. me kombin dhe besimin e saj. Sot kushtet tona janë të ndryshme, por kemi të njëjtin besim të palëkundur. Të gjithë duhet të vendosin. Ne i themi veçanërisht Greqisë. Mos u bëni peng i të tjerëve. Mos vazhdoni të provokoni. Sepse Miqësia e Turqisë është e lashtë, armiqësia e saj është e rëndë. Mbani parasysh edhe këtë”, tha ministri Çavuşoğlu. Presidenti Rexhep Tajip Erdogan më 3 shtator paralajmëroi Athinën që të mos shkojë “shumë larg” pasi në të kundërt do të paguaj çmim të rëndë. “Mund të vijmë papritur një natë”, tha Erdogan. Avionët luftarakë turq dhe grekë u ndeshën ballë për ballë në ditët e fundit të gushtit gjatë misionit të NATO-s mbi detin Egje. Turqia, e cila ka ushtrinë e dytë më të madhe të Organizatës së Traktatit të Atlantikut të Veriut (NATO), hoqi avionët e saj luftarakë të martën më 23 gusht për misionin e aleancës.https://lajme.rtsh.al/artikull/ministri-turk-paralajmeron-greqine-mos-provokoni-do-vuani-pasojat-si-ne-te-shkuaren
- Advertisment -