Veç Kombëtares A dhe Shpresave, edhe ekipi kombëtar U-19 do të zbresë në fushë gjatë këtij muaji qershor. Kuqezinjtë e drejtuar nga trajneri Ervin Bulku do të sfidojnë Kosovën në stadiumin ‘Kukës Arena’ më 14 dhe 16 qershor. Grumbullimi ka nisur që prej pasdites së të shtunës, teksa kuqezinjtë e vegjël po i zhvillojnë përgatitjet në një nga fushat e ‘Shtëpisë së Futbollit’. Arlind Kurti dhe Flavio Sulejmani janë dy futbollistët kuqezi që luajnë në radhët e ekipit kombëtar U-19. Që të vegjël në ekipet e moshave, dy kuqezinjtë nuk e fshehin lumturinë që tashmë janë pjesë edhe e Shqipërisë U-19, ndërsa synojnë që të dy së bashku, një ditë të luajnë me Kombëtaren A. Mbrojtësi kuqezi, Arlind Kurti, i cili luan me ekipin e Laçit tregon për fshf.org se përgatitjet për dy ndeshjet ndaj Kosovës kanë shkuar shumë mirë, ndërsa nënvizon se sa e veçantë është të luash për Shqipërinë. Ndër të tjera, mbrojtësi shqiptar zbulon edhe objektivat e së ardhmes. “Kam qenë pjesë e moshave të Kombëtares. U ndjeva shumë i lumtur që mora sërish një ftesë për këtë grumbullim të radhës, ku kemi edhe dy ndeshje shumë të rëndësishme kundër Kosovës”, tha ai. Lidhur me punën me trajnerin Bulku, Kurti u shpreh se, “ne e njohim edhe më parë, sepse kemi punuar më parë në ekipin U-17. Stërvitjet kanë shkuar shumë mirë. Jemi përgatitur për ta fituar këtë ndeshje”. Për veshjen e fanellës kuqezi, Kurti tha se, “është ndjesi shumë e veçantë dhe kur e vesh këtë fanellë, ndihem shumë i lumtur sepse përfaqësoj kombin tim. I bëj thirrje të gjithë lojtarëve që kur e veshin këtë fanellë, të luajmë me shpirt dhe me gjak në fushë”. I pyetur për rëndësinë e këtyre ndeshjeve kundër Kosovës për grupin kuqezi, ai tha se, “janë dy miqësore shumë të vlefshme. Stafi duhet ta shikojë grupin, që të formohet edhe grupi më i mirë i mundshëm dhe që kur të shkojmë në Europian të bëjmë më të mirën tonë dhe të arrijmë objektivat tonë”. Sa i përket objektivave në aspektin personal, Kurti theksoi se, “për momentin jam një lojtar i Laçit, jam fokusuar aty dhe shpresoj të shkoj akoma edhe më lart. Sigurisht, edhe me ekipin kombëtar. Dua të arrij majat”. Nga ekipi kombëtar U-17, në një aventurë të re me Shqipërinë U-19 Flavio Sulejmani, sulmuesi i talentuar kuqezi vjen për herë të dytë në Kombëtaren U-19, ndërsa tregon për fshf.org edhe objektivat e skuadrës në këto dy miqësore. ‘Fitore dhe konsolidim’, këto dy gjëra pret Sulejmani nga dy ndeshjet kundër Kosovës, ndërsa zbulon edhe objektivat për të ardhmen. Si ndihesh që grumbullohesh me Kombëtaren U-19? – U ndjeva shumë i lumtur sepse është hera e dytë që marr ftesën nga Kombëtarja U-19 dhe shpresoj që të bëj sa më mirë për Shqipërinë. Ai tha se, “pas tre ditë stërvitje, atmosfera është shumë e mirë. Grupi është në formë dhe besoj se do të luajmë shumë mirë. Edhe me trajnerin ndihemi mirë”. Lidhur me atë që pritet nga Shqipëria në këto dy miqësore kundër Kosovës, Sulejmani u shpreh se, “grupi ynë ka cilësi dhe i ka të gjitha për të fituar ndeshjet me Kosovën. Presim fitore, konsolidim dhe këto ndeshje do të jenë të parat për të shkuar në Europian dhe për të bërë më të mirën tonë”. Sa i përket aspektit personal, ai u shpreh se, “objektivi im është të luaj në Kombëtaren A dhe pastaj të shkoj sa më lart në një klub evropian”. atsh
- Advertisment -
Recent Comments
on Qarku DIBER
on Qarku DIBER
on Qarku DIBER
on Qarku BERAT
on Qarku DIBER
on Qarku DIBER
on Zj. Xhaçka tha se Shqipëria eshtë e vendosur për pavarësinë dhe tërësinë territoriale të Ukrainës
on Qarku DIBER
on Bashkia KLOS
on Bashkia MAT
on Qarku DIBER
on Qarku DIBER
on Qarku DIBER
on Qarku DIBER
on Qarku DIBER
on Qarku DIBER
on Qarku DIBER
on Qarku KUKES
on Qarku DIBER
on Qarku DIBER
on Qarku DIBER
on Qarku DIBER
on Qarku DIBER
on Qarku DIBER
on Qarku DIBER
on Bashkia FIER
on Qarku VLORE
on Qarku VLORE
on Qarku DIBER
on 14 Shkurt- Java do të mbyllet me shi, por do të kemi një minipranverë gjatë të enjtes dhe të premtes
on Bashkia FIER
on Qarku BERAT
on Qarku DIBER
on Qarku TIRANE
on Qarku KUKES
on Qarku BERAT
on Qarku DIBER
on Bashkia FIER
on Qarku BERAT
on Qarku DIBER
on Qarku TIRANE
on 14 Shkurt- Java do të mbyllet me shi, por do të kemi një minipranverë gjatë të enjtes dhe të premtes
on Qarku VLORE
on Qarku KUKES
on Qarku BERAT
on Bashkia FIER