Bashkia e Pogradecit njoftoi se zjarri i rënë pranë Manastirit të Shën Marenës, nuk ka prekur Kishën e Shën Marenës. “Nisur nga lajmi që po qarkullon në media se Manastiri i Shën Marenës është përfshirë nga flakët, ju bëjmë me dije se, pasditen e djeshme si pasojë e rrjedhjes së gazit një pjesë e ambienteve të jashtme përreth kishës janë përfshirë nga zjarri, duke shkaktuar dëme materiale”. Bashkia Pogradec thekson se zjarri fatmirësisht nuk ka prekur Kishën e Shën Marenës, e cila është monument kulture, dhe as godinën e madhe të konakëve në pjesën ballore të kishës, por vetëm ambientet e vogla, në krah të kishës. Specialistët e Drejtorisë Rajonale të Monumenteve të Kulturës kanë shkuar në vendngjarje për verifikimin e dëmeve dhe marrjen e masave për rikthimin e tyre në gjendjen e mëparshme.
- Advertisment -