Presidenti francez, Emmanuel Macron, gjatë konferencës për shtyp në Elysee, njoftoi futjen e një “leje lindjeje” (leje prindërore) gjashtëmujore për të dy prindërit. Në ditën kur Insee (Instituti Kombëtar i Statistikave), njoftoi një rënie të mprehtë të nivelit të lindjeve, më e ulëta që nga periudha e pasluftës (më pak se 700,000 foshnja të lindura në 2023), Macron nënvizoi se ”niveli i lindjeve po bie gjithashtu sepse infertiliteti mashkullor dhe femëror përparon duke bërë që shumë burra dhe gra të vuajnë”. Duke folur për “tabunë e shekullit”, ai shpalli gjithashtu një “plan madhor” kundër kësaj plage.
