Londra është renditur në listën e 10 vendeve më të shtrenjta për punonjësit e huaj – në një indeks global. Qyteti është ngjitur me nëntë vende që nga viti i kaluar, duke u renditur i teti në renditjen e qyteteve me koston më të lartë të jetesës për vitin 2024 – të botuar nga “Mercer”. Londra u ngjit më lart në listë për shkak të faktorëve që përfshijnë koston e përgjithshme të jetesës dhe çmimet e qirave. Hong Kongu ruajti vendin e parë në renditjen e këtij viti, i ndjekur nga Singapori. Qytetet zvicerane Zyrihu, Gjeneva dhe Bazeli janë pesë qytetet më të shtrenjta. Edinburgu u rendit në vendin e 53-të, Glasgow në 68-in, Birmingham në 78-in, Aberdeen në 82-shin dhe Belfast në 87-in. Parisi u rendit në vendin e 29-të dhe Dublini në vendin e 41-të. Indeksi përfshin 226 vende në të gjithë botën. Ai mat koston krahasuese të më shumë se 200 artikujve në çdo vend, duke përfshirë transportin, ushqimin, veshjet, mallrat shtëpiake dhe argëtimin. Abuja në Nigeri u rendit më pak i shtrenjti në sondazh, në vendin e 226. “Mercer”, një kompani konsulenete e “Marsh McLennan”, përpilon renditjen për të ndihmuar punëdhënësit shumëkombëshe të planifikojnë paketa kompensimi për punëtorët.
Renditja e qyteteve me koston më të lartë të jetesës për vitin 2024:
1. Hong Kong
2. Singapor
3. Zyrih, Zvicër
4. Gjenevë, Zvicër
5. Bazel, Zvicër
6. Bernë, Zvicër
7. Nju Jork, SHBA
8. Londër, Britani e Madhe
9. Nassau, Bahamas
10. Los Anxhelos, SHBA.
