Vitin e kaluar bankat rritën huadhënien për financimin e biznesit për sektorin e industrisë përpunuese. Sipas të dhënave të publikuara nga Banka e Shqipërisë, gjatë vitit 2023 sektori bankar disbursoi kredi për industrinë përpunuese në vlerën e 24.8 miliardë lekëve. Krahasuar me vitin 2022, kredia e re për industrinë përpunuese u rrit me 17 % gjatë 2023. Sipas statistikave, në nivel biznesi kredia e dhënë për financimin e sektorit përpunuese zë 11.4 % të totalit. Ndërtimi, tregtia dhe industria përpunuese janë tre sektorët që përbëjnë 74 % të parave të financuara nga bankat në nivel huash të reja për sektorin privat.
