Kosova do të organizojë Kampionatin Europian të Xhudos

Siç bëhet e ditur nga Komiteti Olimpik i Kosovës (KOK), Federata e Xhudos e Kosovës për herë të parë do të jetë organizatore e Kampionatit Europian të Xhudos. Ky Europian i xhudos është formati i ri i ngjarjes kontinentale, që ndryshe njihet si “European Championships Open”, raporton KosovaPress. Europiani i xhudos është i hapur dhe do të organizohet vetëm për kategoritë deri në 57 kilogramë dhe deri në 73 kilogramë, ku Kosova do ta ketë të drejtën të paraqitet me nga dy xhudistë në kategori, për dallim prej shteteve tjera që do ta kenë nga një. Federata EUropiane e Xhudos, fondi shpërblyes do të jetë 300 mijë euro, gjë që sinjalizon se në kryeqytetin tonë do të zbarkojnë yjet e xhudos. “Kampionati EUropian i hapur paralajmëron një epokë të re për ne në disa aspekte: për herë të parë një turne i tillë i klasës së xhudos së përgjithshme do të organizohet në Kosovë. Xhudo ka qenë prej kohësh sport kombëtar këtu, dhe ajo që na ka munguar është një turne ku yjet tanë kryesorë mund të performojnë para tifozëve tanë”, tha mes tjerash kryetari i FXHK-së, Agron Kuka, i cili njëherit është edhe anëtar i Bordit Ekzekutiv të EJU-së. Kampionati do të mbahet më 16 dhjetor 2023 në Prishtinë.