Konsumi global i qymyrit do të rikthehet në nivelet rekorde të vitit 2013

Konsumi global i qymyrit pritet të rritet këtë vit deri në ekuivalentin e nivelit rekord që arriti gati një dekadë më parë, sipas një raporti të Agjencisë Ndërkombëtare të Energjisë (IEA). Sipas Përditësimit të Tregut të Qymyrit të IEA-së – Korrik 2022, konsumi i qymyrit në Bashkimin Evropian pritet të rritet me 7 për qind në vitin 2022, krahas rritjes prej 14 për qind të vitit të kaluar. IEA parashikon që bazuar në trendet aktuale ekonomike dhe të tregut, konsumi i qymyrit në nivel global do të rritet me 0,7 për qind në vitin 2022, në 8 miliardë tonë, duke presupozuar se ekonomia kineze do të rimëkëmbet siç pritej në gjysmën e dytë të vitit. Sipas raportit, Kina dhe India së bashku konsumojnë dyfishin e sasisë së qymyrit sesa pjesa tjetër e botës së bashku, me vetëm Kinën që përbën më shumë se gjysmën e kërkesës në botë. “Kjo totale globale do të përputhej me rekordin vjetor të vendosur në vitin 2013 ndërsa kërkesa për qymyr duket se do të rritet më tej vitin e ardhshëm në një nivel të ri rekord të të gjitha kohërave”, theksoi raporti. Konsumi i qymyrit në mbarë botën u rikthye me rreth 6 për qind në 2021 pasi ekonomia globale u rikuperua me shpejtësi nga tronditja fillestare e pandemisë COVID-19. Për shumë vende, qymyri mbetet lënda djegëse kryesore për prodhimin e energjisë elektrike dhe një sërë procesesh industriale, megjithëse djegia e sasive të mëdha të qymyrit ka rritur shqetësimet mbi klimën, pasi kjo lëndë është burimi më i madh i vetëm i emetimeve të karbonit.https://ata.gov.al/2022/07/29/fokus-konsumi-global-i-qymyrit-do-te-rikthehet-ne-nivelet-rekorde-te-vitit-2013/