Klitschko: 40% e banorëve pa energji elektrike 

Dyzet për qind e konsumatorëve në Kiev nuk kanë energji elektrike pas sulmeve raketore nga Rusia, sipas kryebashkiakut, Vitali Klitschko. “Ofruesit e energjisë morën masa paraprake sigurie si rezultat i alarmeve të sulmeve ajrore dhe tani po punojnë për të rikthyer energjinë”, tha sot Klitschko. “Furnizimi me ngrohje dhe ujë ka funksionuar normalisht”, tha ai. Sipas autoriteteve, sot në mëngjes janë lëshuar 16 raketa drejt kryeqytetit. Tre persona kanë mbetur të plagosur, mes tyre një vajzë 14-vjeçare. Sulmet ruse kanë shënjestruar infrastrukturën jetike të Ukrainës, siç janë centralet. ATA