Koorporata Elektroenergjetike Shqiptare (KESH) bën të ditur se gjatë datës 11 tetor në basenin e lumit Drin kanë rënë reshje shiu të pakta, mesatarisht rreth 18 mm (ose 10-20 mm), ndërsa ditën e sotme 12 tetor, nuk ka rënë shi në asnjë prej stacioneve që KESH disponon në basen. Sipas KESH-it, reshjet me intensitet të ulët që kanë rënë ditën e djeshme nuk kanë patur ndikim në prurjet, në liqenet e kaskadës së lumit Drin, përkundrazi prurjet kanë qenë me tendencë në ulje. Prurjet natyrore në kaskadën e Drinit deri në orën 15:00 llogariten: në HEC-in e Fierzës 65 m3/s, në HEC-in e Komanit 60 m3/s, ndërsa në atë të Vaut të Dejës, 10 m3/s.https://ata.gov.al/2022/10/12/reshje-shiu-te-pakta-kesh-nuk-ka-shtim-te-prurjeve-ne-kaskaden-e-drinit/
- Advertisment -